Cerita Pendek Yang Pendek: "Dek, gelem tak rabi ra?"


"Dek, gelem tak rabi ra? Tenan ki, aku tresno marang sliramu."

"Lho, aku iseh sekolah ki Mas?"

"Ha yo tak enteni nek wes bali sekolah to yo."

"Ah, luweh Mas."

"Yo wes, tenan iki. Piye, gelem ra?"

"Yo Mas, gelem. Neng ono syarate."

"Yoh, kene tak lakoni. Neng ojo akeh-akeh."

"Ora kok Mas, mung siji thok."

"Wah, penak ki. Opo kuwi Dek?"

"Nek salat ojo nganti ketinggalan takbiratul ikhrom."

"Duh. Hmm... kiro-kiro penjalukmu, aku kudu ngelakoni kuwi, suwene pirang tahun, Dek?"

"Rasah suwe-suwe. Cukup tekan aku lulus sekolah MA (Madrasah Aliyah, hudu Master of Art) wae, Mas."

"Siap. Oh ya, saiki ki kowe kelas piro to Dek?"

"Kelas 4 MI (Madrasah Ibtidaiyah) Mas."

"Asem! Kok awakmu gede lan duwur koyo cah wes MA wae?"

"Ha piye meneh Mas, ket mbiyen guru-guruku do seneng karo aku. Mulane dikon nunggak kelas teros. Sakjane yo wes wayahe MA iki Mas."

"Mbok nek sekolah ki nganggo seragam abang-putih po piye, ben ra mbingungi. Nganti ra ngerti aku, nek kowe jebule iseh MI."

"Dino rebo lan kemis ki nek neng sekolahku jatah nganggo klambi muslim je Mas. Eh, dadi piye iki sidone?"

"Duh, kowe njaluk aku kon salat ojo nganti ketinggalan takbiratul ikhrom we rasane wes abot Dek, opo meneh kok nunggu kowe nganti tekan lulus MA. Padahal yo kui durung ditambah nek menowo sesok guru-gurumu neng MTs lan MA do seneng karo kowe mbarang, njur dikon nunggak meneh. Ujiane ra mung abot kuwi Dek, neng yo suwe mbarang."

"Ha piye Mas, sido meh nunggu aku ra?"

"Hmm... piye yo?"

"Ojo piya-piye, Mas. Calon imam kok piya-piye. Makmume do kocar-kacir kuwi sesok, nek imame we piya-piye ngono."

"Emm... sik... sik... Dek."

"Wes, rasah kosak-kosek. Kesuwen! Saiki ngene wae. Kui salat ojo nganti ketinggalan takbiratul ikhrom seng tak omongke mau kae, teko dilakoni wae. Mbuh tekan kapan kono, sak karepmu. Njur, perkoro sesok kowe sidone le rabi karo sopo, kuwi pikir keri. Nek kuwi mau tok lakoni kanthi istiqomah (ajeg) lak sesok ketemu dewe jodone. Sakjane, sopo jodomu ki mung nggerek kepiye le kowe ngurus pikiran, ati, tutur lan kelakuanmu kok Mas. Neng yo tetep kudu kenceng le ndongo lan nggolek mbarang deng. Soale, jodo ki yo ra mungkin banget nek teko-teko marani kowe karo ngomong: "Rabeni aku, Mas. Rabeni aku!" mulane senajan ndongo kuwi utama, nanging ikhtiar yo perlu."

Seng lanang bingung, meh kudu ngomong opo meneh. Njur seng wedok neruske,

"Mas, aku tak mlebu kelas ndisek. Jam istirahat wes entek ki. Lho kae Pak Guru 'Al-Qur'an dan Hadits' kelasku wes mlebu. Guru seng iki yo seneng karo aku lho, Mas. Kayane sesok aku nunggak meneh. Wes yo!"

"Dek... Dek... Dek..."






sumber foto: memecomicsantri.blogspot.co.id

2 komentar:

  1. anjir itu foto featurednyaaaaaa *lemes

    BalasHapus
  2. Wkwkwkwk... Padahal kalau niat, sholat itu semudah buka priceza.co.id enteng banget! Manfaatnya banyak! Pahala jangan ditanya lagi, kalau jamaah makin gede. Seneng deh saya sekarang udah punya imam. Iyah, pilih imam yang punya komitmen!

    BalasHapus